కొవిడ్‌ నుంచి కోలుకొన్న వారిలో మెడనొప్పి

కొవిడ్‌ నుంచి కోలుకొన్న వారిలో తీవ్రమైన మెడనొప్పి వస్తున్నట్లు ఇటలీలోని ‘యూనివర్సిటీ హాస్పిటల్‌ ఆఫ్‌ పీసా’ వైద్యులు గుర్తించారు. దీన్ని ‘సబ్‌అక్యూట్‌ థైరాయిడిటిస్‌’గా వ్యవహరిస్తారు. కొన్నాళ్ల కిందట ఇటలీలో ఒక యువతికి కరోనా సోకడంతో చికిత్స తీసుకొని కొలుకొంది. ఇంటికి వెళ్లాక ఆమెకు మెడ, థైరాయిడ్‌ గ్రంథి వద్ద తీవ్రమైన నొప్పి మొదలైంది. దీనికి తోడు జ్వరం కూడా రావడంతో వైద్యులను ఆశ్రయించింది. ఆమెకు సబ్‌అక్యూట్‌ థైరాయిడిటిస్‌ సమస్య, జ్వరం తలెత్తినట్లు గుర్తించారు. సాధారణంగా వైరల్‌ ఇన్ఫెక్షన్ల బారినపడినా.. వాటి నుంచి కోలుకొన్నా శరీరంలో ఇన్‌ఫ్లమేటరీ రీయాక్షన్‌ కారణంగా ఈ సమస్య తలెత్తుతుంది. వైరస్‌ కారణంగా సోకే చాలా వ్యాధుల్లో ఈ లక్షణం కనిపిస్తుంది. నెల రోజుల తర్వాత ఆ యువతి ఆరోగ్యం కుదుటపడింది. సార్స్‌ కోవ్‌2 కారణంగానే ఈ సమస్య తలెత్తి ఉంటుందని డాక్టర్‌ ట్రోఫా రోట్‌ ‘ది జర్నల్‌ ఆఫ్‌ క్లినికల్‌ ఎండోక్రైనాలజీ అండ్‌ మెటబాలిజం’లో పేర్కొన్నారు.

సబ్‌అక్యూట్‌ థైరాయిడిటిస్‌ అంటే..

  • గొంతు వద్ద ఉండే థైరాయిడ్‌ గ్రంథి కీలకమైన హార్మోన్లను ఉత్పత్తి చేస్తుంది. వైరల్‌ ఇన్ఫెక్షన్ల కారణంగా దీనిలో వాపు కనిపిస్తుంది. దవడ, చెవి, గొంతు వద్ద విపరీతమైన నొప్పితో పాటు జ్వరం కూడా వస్తుంది.
  • ఈ సమస్య 20 నుంచి 50 ఏళ్ల మధ్య మహిళల్లో ఎక్కువగా కనిపిస్తోంది. ఒక్కోసారి ఈ గ్రంథి ఎక్కువ హార్మోన్‌ను విడుదలయ్యే అవకాశం ఉంది. కొన్నాళ్ల తర్వాత ఈ గ్రంథి యథాతథ స్థితికి చేరుతుంది.

 10 total views,  2 views today

Leave a Reply

Your email address will not be published. Required fields are marked *

error: Content is protected !!
  • Sign up
Lost your password? Please enter your username or email address. You will receive a link to create a new password via email.